Сити нема да се засилува во јануари

Манчестер Сити нема да носи нови засилувања во јануари, потврди менаџерот Пеп Гвардиола.

Клубот е погоден од финансиската криза поради пандемијата и нема да биде активен во зимскиот преоден рок.

Гвардиола има проблеми во нападот оваа сезона, Агуеро има проблем со повреди, а Габриел Жесус има само два гола оваа сезона.

„Не, не очекувам да донесеме нови фудбалери во јануари. Економската ситуација во целиот свет е таква каква што е. Сите клубови имаат економски проблеми, не само ние“, изјави Гвардиола.