Американските фудбалери го тешеа својот ирански колега Саид Езатолахи по натпреварот во кој САД го победи Иран со 1:0 и се пласираше во осминафиналето на Светското првенство.
На Езатолахи, кој плачеше на земја, прво му пријде Џош Сарџент, а потоа му се придружија Бренден Аронсон, Диандре Једлин и Тимоти Веа, кои го прегрнаа и му шепнаа нешто.
Диск голф го освојува светот, а го нема во Македонија!? ↓↓↓
„Мислам дека ова е повеќе од фудбал. САД и Иран имаа толку многу проблеми на политички план, а јас само сакав да покажам дека сите ние сме луѓе и се сакаме“, рече Веа, додавајќи:
„Сакав да ширам мир и љубов, да му покажам дека го сакам како брат и на ист начин како и луѓето со кои пораснав, иако доаѓаме од различни општествени ситуации и иако пораснавме поинаку“.
Претходните денови имаше многу прашања кои немаа никаква врска со фудбалот, а Аронсон вели дека ги почувствувал емоциите на неговиот ирански колега.
“Тешко е. Тој ги стави срцето и душата, одигра одлично, а тешко е да се види како колега фудбалер. Човечки е да се обидуваш да го утешиш“, истакнува Аронсон, 22 години како Веа.
Американците во осминафиналето на 3 декември ќе се сретнат со Холандија.
Учество во игри на среќа е дозволено за лица со 18+ години. Играј одговорно!