Синоќа го покори „Камп Ноу“, денес Флорентино Перез доаѓа по него

Килијан Мбапе синоќа уште еднаш го покажа својот квалитет и со хет-трик ја покори Барселона на „Камп Ноу“.

После магичната партија против Барселона,  навивачите на Реал Мадрид додатно прават притисок врз претседателот Флорентино Перез да го донесе Французинот во Мадрид.

Мбапе подолго време е мета на „кралевите“, а медиумите тврдат дека Перез презел конкретни чекори да го донесе на „Сантиаго Бернабеу“.

Мбапе се уште не го продолжил договорот со ПСЖ и на лето ќе влезе во последната година од договорот, а тоа им дава поголема надеж на „кралевите“.

Перез е во постојан контакт со неговиот агент и врши притисок да не го продолжува договорот, па така на лето ќе може да го донесе за 180 милиони евра во Мадрид.