Синиша Михајловиќ ќе води клуб од Премиер лигата?

Србинот Синиша Михајловиќ за краток период би можел да се врати на фудбалските терени како тренер.

Михајловиќ пред околу два месеци заработи отказ на клупата на Торино после серијата слаби резултати, а интерес за неговите услуги покажа екипата на Саутемптон.

Премиерлигашот остана без тренер откако отпуштен беше Маурисио Пелегрино, а според италијанските и англиските медиуми фаворит за негов наследник е Михајловиќ.

Според истите извори, Саутемптон веќе го контактирал Михајловиќ. Покрај Србинот во игра за позицијата тренер на овој клуб е и Марк Хјуз.

Михајловиќ во својата кариера освен Торино ги предводеше, Фиорентина, Милан и Сампдорија, како и селекцијата на Србија.