Симеоне: Немаше пари за кои би заминал во Саудиска Арабија

Диего Симеоне во изјава за „Марка“ истакна дека нема намера да го напушти Атлетико Мадрид.

Тренерот на мадридскиот тим доби богата понуда од Саудиска Арабија каде веќе заминаа голем број големи фудбалски имиња. Симеоне порача дека не размислувал за понудата.

„Дали се двоумев кога ја добив понудата? Не, навистина сум среќен тука и нема пари за кои би заминал во Саудиска Арабија. Мојата намера беше јасна и веднаш им одговорив“, изјави Симеоне.

За Симеоне ова ќе биде 13-та сезона на клупата на „јорганџиите“.