Силесен пристигна на лекарски прегледи

Голманот на Барселона, Каспер Силесен е на чекор од трансфер во Валенсија, пренесуваат шпанските медиуми.

Холандскиот голман денес пристигнал на лекарски прегледи во Валенсија и се очекува само официјализација на трансферот.

Двата клуба пред неколку дена договорија размена, така што Силесен ќе се пресели во Валенсија, а Барселона за возврат ќе го добие бразилскиот голман Нето.

Нето ќе пристигне на „Камп Ноу“ и ќе ја има улогата на втор голман. Интересно, двата трансфери ќе бидат одделни, Барса прво ќе добие 25 милиони евра за Силесен, а потоа истата сума ќе ја уплати за потписот на Нето.