Се појави снимка од трофејот во Премиер лигата (ВИДЕО)

Натпреварувањето во англиската Премиер лигата ќе продолжи на 17 јуни после пауза од три месеци.

Клубовите во Англија со сите силе сакаа сезоната да продолжи бидејќи во спротивно ќе изгубеа огромни пари од ТВ правата. Продолжувањето на првенството ги радува и навивачите на Ливерпул кои најверојатно после 30 години ќе ја прослават шампионската титула.

Ливерпул во моментот на прекинот беше убедливо прв во Премиер лигата со 25 бода повеќе од Манчестер Сити. „Црвените“ играат фантастична сезона и сите очекуваат тие да бидат новите шампиони на Англија.

На друштвените мрежи се појави едно интересно видео на кое се гледа пехарот наменет за шампионот во Премиер лигата. Може да се забележи дека на него веќе стои името на Ливерпул, тоа е малку чудно затоа што иако Ливерпул е многу блиску (потребни им се уште две победи), сепак се уште математички не се шампиони.

Liverpool’s name already engraved on the Premier League trophy ?#LFC pic.twitter.com/KwEd65Vzpn

— World Sportsbook Competition (@the_wsbc) June 8, 2020