Се појави продолжението од скратеното видео на кое Мбапе го турка Нејмар од прославата

ПСЖ стигна до првиот трофеј оваа сезона. Клубот од Париз во Кина со 2:1 го победија Рен и тоа без Нејмар кој се уште инсистира на заминување.

После натпреварот повеќе се зборуваше за сценатата од прославата отколку за самиот настап на избраниците на Томас Тухел и одличниот гол на Анхел Ди Марија од слободен удар.

Во овој натпревар не настапи Нејмар кој и понатаму е незадоволен и сака да ги напушти редовите на шампионот на Франција, но после завршувањето на натпреварот тој им се придружи на своите соиграчи во прославата.

Камерите го забележаа моментот кога Мбапе го турна Нејмар при правањето заедничка фотографија на тимот со трофејот.

Денес се појави и продолжено видео на кое се гледа дека сепак Нејмар им се придружува на соиграчите.