Се најавува изненадувачки трансфер на Азар, може да се пресели во Турција?

Eден Азар пред три години пристигна во Реал Мадрид за 115 милиони евра, но повредите и вишокот килограми не му дозволија да влезе во вистинска форма.

Според последните најави Азар би можел во финишот од преодниот рок да ја промени средината. Турските и Шпанските медиуми пренесуваат дека за Азар интерес покажала екипата на Галатасарај.

Азар оваа сезона одигра 32 минути. Ги доби кога влезе од клупата во победата на Реал Мадрид против Алмерија. Минатата сезона настапи на 18 првенствени натпревари, но со просек помал од 40 минути по натпревар, запиша една асистенција.

Договорот со гигантот од Мадрид на Азар му има важност до крајот на следната сезона.