Сестрата на Емилијано Сала се бори за живот

Во јануари 2019 кога од Нант требаше да премине во Кардиф, аргентинскиот фудбалер Емилијано Сала трагично настрада во авионска несреќа.

Аргентинецот тргна на пат на Островот за да потпише договор со големиот велшки клуб. За жал авионот со кој леташе се урна на пат кон Велика Британија.

Денес семејството Сала го погоди уште една трагедија. Родената сестра на фудбалерот, Ромина се обидела да си го одземе животот во својот стан бесејќи се. Нејзе ја пронашол близок пријател на кого му најавила што планира да направи. Сестрата на Сала сега е жива, но во тешка состојба. На респиратор е, а пронајдени и се и голема количина на лекови и супстанци за труење.

Ромина е мајка на двегодишно момче. Беше многу врзана за својот брат и беше задолжена со полицијата да ја следи истрагата. Целата истрага за падот на авионот на Сала запре минатата година поради пандемијата со коронавирус.