Серхио Рамос се сели во Премиер лигата

Серхио Рамос е во последната година од неговиот договор со Реал Мадрид, а засега не е познато дали ќе ја продолжи соработката со „кралскиот“ клуб.

Преговорите започнаа, но не одат во вистинска насока, бидејќи претседателот Флорентино Перез сака да му понуди само едногодишен договор.

Шпанските медиуми пишуваат дека Рамос има алтернативни решенија доколку не се договори со Перез за нов договор. Неколку европски гиганти веќе покажаа интерес за дефанзивецот, а најголема е веројатноста да се пресели во Премиер лигата.

Најсилен интерес за него покажува Тотенхем, а Мурињо веќе почнал да го убедува дефанзивецот да се пресели во Лондон.