Серхио Рамос на Инстаграм објасни поради што во репрезентацијата го носи дресот со број 15

Искусниот дефанзивец Серхио Рамос стана фудбалерот со најмногу настапи во репрезентацијата на Шпанија.

Рамос во саботата во натпреварот против Норвешка го запиша својот 168. настап во дресот на Шпанија и така стана играчот со најмногу настапи во историјата на Црвената фурија.

Тој на оваа листа го помина легендарниот Икер Касиљас и е многу блиску да стане играчот со најмногу настапи во дресот на една репрезентација во светот.

Овој јубилеј Рамос го обележа на емотивен начин. Тој објави фотографија на Инстаграм и објасни поради што го носи дресот со број 15.

Бројот 15 порано во селекцијата на Шпанија го носеше Антонио Пуерта, кој трагично загина во 2007. година. Пуерта и Рамос беа соиграчи во Севиља, а после смртта на Пуерта, Рамос одлучи да го превземе неговиот број во репрезентацијата, кој го носи веќе долги години.

„Пред 13 години и една недела играше за репрезентацијата во Шведска. Требаше да одиграш уште многу натпревари, но знаеш дека секогаш ќе бидеш дел од овој тим. Мојот број 15 е за тебе бидејќи ти го носеше тој број и остана на сите во срцата.“ – порача Рамос.

View this post on Instagram

13 años y 1 semana. En Suecia iniciaste una andadura con la Selección que debió ser mucho más larga, pero que desde entonces es eterna.  Mi 15 es tu 15, el 15 de todos. 13 years and 1 week ago, you had your first experience with the national team here in Sweden. You should have had many more but you will forever be part of this team. My 15 is for you because you are #15 in everyone's heart.

A post shared by Sergio Ramos (@sergioramos) on Oct 14, 2019 at 8:06am PDT