Возачот на Гресини во Мото ГП шампионатот, Шпанецот Марк Маркез, на крајот од сезоната ќе се пресели во тимот на Дукати, објавено е денеска на официјалната веб-страница на натпреварувањето.
Во соопштението се наведува дека Маркез потпишал двегодишен договор со Дукати. Шпанецот ќе вози за Дукати во 2025 и 2026 година.
Чекаме казна за Даку! (ја дочекавме) ↓↓↓
Шпанските медиуми пренесуваат дека Маркез на крајот од сезоната на Дукати ќе го замени Италијанецот Енео Бастианини. Taка од следната сезона ќе вози заедно во исти тим со двократниот светски шампион, Франческо Бањаја.
„Многу ми е драго што во следната сезона ќе ги носам црвените бои на Дукати. Мило ми е што во 2025 година ќе можам да го направам тој голем чекор и благодарен сум што Дукати ми ја даде довербата“, изјави Маркез.
Маркез моментално е на третото место во генералниот пласман на возачи со 136 бодови.
Учество во игри на среќа е дозволено за лица со 18+ години. Играј одговорно!