Селекторот на Чешка: Македонија е наш должник

Македонската селекција вечерва го игра најважниот натпревар на првенството.

Ракометарите вечерва на чело со Раул Гонзалес ќе имаат тешка задача, но Чешка мора да се совлада доколку сакаме пласман во полуфиналето.

Доколку Македонија слави во овој натпревар ќе ги задржиме шансите за полуфиналето, но и ќе обезбедиме влез помеѓу најдобрите шест и натпревар за петото место.

Чешка често пати беше противник на нашата селекција во минатото, а сега нивниот селектор смета дека Македонија под водство на Раул Гонзалес е поинаква репрезентација.

„Македонија е наш голем должник, против нив не сме играле скоро шест месеци. Сега го имаат Раул Гонзалес на клупата кој играта на репрезентацијата ја подигна на едно повисоко ниво“, изјави селекторот на Чешка, Јан Филип.