Седлоски: Заслужено победивме, но ова е само прво полувреме

Шкупи денес го доби Лапи со 2:0, но впечаток е дека нашиот претставник не доминираше на теренот.

Тоа го потенцираше и тренерот Гоце Седлоски кој сепак испрати честитки до неговите играчи, но и најави подбра игра во реваншот.

„Вчера кажав дека не чека тежок натпревар со екипа како Лапи. Морам да им честитам на моите играчи, како и до Лапи за фер и коректната игра. Мислам дека заслужено победивме, иако ова е само прво полувреме, имаме уште еден натпревар. Стоиме на земја, очекувам и во реваншот сличен дуел. Како и да е верувам дека имаме доволно време да се спремиме“.

„Во првите 10-15 минути влеговме со мал грч, некои играчи првпат играат вакви натпревари. Но, како што  кажав на крајот дојдовме до победата. Сите мислат дека Лапи е слаба екипа, но не е така. Јас знам како играчите тренираат и што можат, сигурно можеме подобро. Ова е нова екипа, имаме нови играчи, но нема оправдувања кога ќе излезеш на терен тоа е тоа. Имаме седум да се спремиме и да одиграме подобро во Пришитина“, изјави Седлоски.

Фото: Фк Шкупи