Себаљос со порака до Перез и Реал Мадрид

Шпанскиот фудбалер, Дани Себаљос ова лето го напушти Реал Мадрид и пристигна на едногодишна позајмица во Арсенал.

Себаљос сигурно е големо засилвуање за лондонскиот клуб и на неколку натпревари покажа дека станува збор за одличен играч. Иако не е стандарден во првиот состав, тој покажа желба да остане во Арсенал. Шпанските медиуми пренесуваат дека Себаљос неодамна разговарал со Перез и му кажал дека нема во план да се врати во Реал, каде што претежно ја грееше клупата.

Желбата на Себаљос е Арсенал уште во јануари да го откупи неговиот договор и да потпише повеќегодишна соработка со „Топчиите“. Арсенал е заинтересиран да ја активира клаузулата и да го купи во јануари, но не е познато колку пари ќе мора да одвои за него. Овој 23-годишен фудбалер во Реал пристигна во 2017. од Бетис за 14 милиони евра, но не се наигра на „Бернабеу“ и одлучи да се пресели во Арсенал, каде што сака да остане што е можно подолго.