Светот го слави потегот на Руни: Спаси топка на гол линијата и – „намести“ гол за победа! (видео)

Поранешната легенда на Манчестер Јунајтед, Вејн Руни одлучи кариерата да ја продолжи во САД поточно во тимот на ДЦ Јунајтед, каде што ја покажува својата фудбалска класа.

Неговиот тим славеше победа од 3:2 над Орландо во интересен натпревар, а Руни беше вистински херој на својот тим.

Имено во шестата минута од судиското продолжение Руни спречи погодок на својата половина, откако голот беше празен.

Со одличен лизгачки старт го запре противничкиот фудбалер, а потоа испрати долга топка во шеснаесетникот која на најдобар можен начин ја искористи еден негов соиграч и погоди за три бода.