Саутгејт после високата победа: Не ми се допаѓа како играме!

Репрезентацијата на Англија денес ја декласираше Панама со 6:1, но селекторот Герет Саутгејт ги изненади сите со изјавата после мечот.

„Како целина не ми се допадна нашето претставување денес. Не ми се допадна почетокот и како дозволивме да примиме гол, но одредени делови од мечот беа навистина добри“, изјави Саутгејт.

„Знам дека сим многу критичен, но мислам дека многу брзавме на почетокот. При резултат 5:0 зборувавме да постигнеме уште еден гол за да бидеме на прво место во групата, па затоа примениот гол е разочарувачки“, додаде селекторот на Англија.

Англија и Белгија имаат по 6 бода после две одиграни кола, па меѓусебниот дуел ќе одреди кој ќе биде победник во групата.