Сасуоло го нокаутира Милан🎥

Милан им приреди уште едно непријатно попладне на своите фанови и на „Сан Сиро“ беше поразен од Сасуоло 1:3.

После поразот од Фиорентина минатото коло „росонерите“ започнаа добро и дојдоа до водство во 20-та минута со голот на Ромањоли, но потоа следуваше драматичен пад на играта.

Најпрво Скамака постигна фантастичен гол од дваесетина метри, а потоа Кјаер си постигна автогол за целосен пресврт.

Во вториот дел наместо одговор од домаќинот Берарди погоди за 1:3, а неколку  минути подоцна Ромањоли заработи црвен картон и тука згаснаа надежите за „росонерите“ дека можат до пресврт.