Сардинија не памети вакво нешто: Каљари игра атмонски фудбал (видео)

Тимот на Каљари продолжува со фантастичните партии и денес до врв ја наполни мрежата на Фиорентина (5:2).

Каљари дефинитивно е најпријатното изненадување оваа сезона во Серија А и со денешната победа се искачи на третото место на табелата, во исчекување на останатите резултати.

Серијата голови на Сардинија ја отвори Рог во 17-та минута, а до крајот на полувремето погодија уште Писакане и Симеоне за Каљари.

Домаќините не застанаа тука и до 65-та минута веќе имаа предност од 5:0 со головите на Жоао Педро и Наинголан (кој запиша и три асистенции) во второто полувреме.

Во последните петнаесет минути Фиорентина постигна два гола преку Влаховиќ и го ублажи поразот.