Русин и Украинец се сретнаа на тренинг, нивниот потег ги изненади соиграчите

Руската воена инвазија врз Украина сигурно остава голема трага и во спортот.

Сигурно најтешко им е на украинските спортисти кои стравуваат за своите најблиски, додека на руските спортисти им прети максимална изолација.

Постојат примери каде руски и украински спортисти ја делат соблекувалната, како во Аталанта, каде се Украинецот Руслан Малиновски и Русинот Алексеј Миранчук.

Она што двајцата фудбалери го направиле на тренингот на првиот ден од конфликтот ги изненадило соиграчите.

„Во нашата соблекувална Русија и Украина ги претставуваат Руслан и Алексеј. Кога започна конфликтот меѓу нивните земји тие само се прегрнаа на тренинг. Тоа е фудбалот. Фудбалот обединува се што човечката лудост се обидува да го раздвои“, изјави нивниот соиграч Месина.