Роналдо: Федерер е мојата инспирација

Кристиано Роналдо даде опширно интревју за италијанските медиуми во кое меѓу другото зборуваше и за физичката форма.

„На 33 години мораш да го следиш своето тело. Сакам да останам во фудбалот што е можно подолго. Луѓето кои ме гледаат можат да речат: „Кристиано беше неверојатен, но сега е бавен“. Не го сакам тоа. Може да промените се, но најважна е мотивацијата и искуството“, истакна Роналдо.

„Може да ја достигнете зрелоста во спортот и во напредната возраст да бидете на врвно ниво. На пример, Роџер Федерер кој на 37 или 38 години се уште е на врвот на кариерата. Тој е мојата инспирација“, додаде Португалецот.

Роналдо во мометов има 35 години и се уште е еден од најдобрите во светот.