Роналдо: Синот ми кажа дека ќе биде подобар од мене, но…

Суперѕвездата на светскиот фудбал Кристиано Роналдо даде интервју после првите голови во дресот на Јувентус.

Роналдо истакна дека и неговиот син многу добро се адаптира во Јувентус и сака еден ден да биде подобар од него.

„Многу сум задоволен што ги постигнав првите голови за Јуве. За Кристиано Јуниор работите се развиваат добро, се адаптира добро во Јувентус. Би сакал да стане како својот татко. Тој ми кажа дека ќе стане подобар од мене, но ќе му биде многу тешко да го направи тоа“, изјави Роналдо.

„Тој е голем борец и многу личи на мене кога бев мал. Не сака да губи и убеден сум дека ќе стане добар фудбал. Нормално дека сакам да биде фудбалер“, додаде Роналдо.