Реал Мадрид во спектакуларна прослава во престолнината на Шпанија и забава на стадионот „Сантиаго Бернабеу“ ја обележа 13-та титула во Лигата на шампионите.
„Кралевите“ во саботата го совладаа Ливерпул во големото финале во елитното натпреварување во Киев и така уште еднаш испишаа историја во европскиот и светскиот фудбал.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Прославата започна прво со автобусот во кој се возеа фудбалерите низ Мадрид каде што ги поздравија огромен број навивачите, за потоа во вечерните часови да пристигнат на „Сантиаго Бернабеу“ каде што присуствуваа 80.000 фанови.
Приререден беше спектакуларен огомент, секој играч добиваше посебна најава при излегувањето на теренот, а повторно во центарот на вниманието беше Кристиано Роналдо.
Португалецот по победата во Киев даде изјава која ги загрижи сите во Мадрид, најавувајќи дека следната сезона може да го напушти Реал Мадрид.
На прославата еден од неговите најблиски пријатели, Марсело, започна песна – „Кристиано, остани“, на што фудбалерот кратко се надоврза: „Се гледаме и следната година“!
Учество во игри на среќа е дозволено за лица со 18+ години. Играј одговорно!