Роналдо по црвениот картон се појави на тренинг и ги изненади фотографите

Фудбалерите на Јувентус во средата во гости ја победија Валенсија со 2:0 во првиот натпревар од групната фаза во Лигата на Шампионите.

Натпреварот на „Местаља“ го обележа Кристиано Роналдо кој во 29. минута доби директен црвен картон по дуелот со Мурило, а одлуката на судијата беше малку престрога. Роналдо не можеше да верува дека мора да си оди порано под туш, а колку тешко му падна најдобро покажаа солзите на неговото лице.

Јувентус сега ја чека одлуката на УЕФА околу евентуалната суспензија за Роналдо, но најверојатно тоа ќе биде само на еден натпревар. Иако Португалецот беше „скршен“ по натпреварот во Валенсија, изгледа дека тоа сега е само зад него.

Роналдо вчера се појави на тренингот на „Старата дама“ и не ја отстрани насмевката од лицето. Дури во некоклу наврати многу среќен им позираше на фотографите, што не е многу чест случај.