Роналдо откако го купи Ваљадолид даде посебно ветување

Легендарниот бразилски фудбалер, Роналдо неодамна купи поголем дел од акциите на Реал Ваљадолид со што се врати во фудбалот.

Роналдо за многумина е еден од најдобрите играчи на сите времиња, а познато е дека кариерата мораше да ја заврши порано поради честите повреди и проблеми со здравјето. Сепак, тој сега се врати во фудбалот, а одлуката да го купи Ваљадолид ја воодушеви јавноста.

Бразилскиот волшебник по доаѓањето во овој клуб даде и едно посебно ветување. Тој порача дека максимално ќе се потруди да го реши проблемот со вишокот на килограми кој го има веќе со години.

„Не дојдов овде за да играм бидејќи едноставно не сум во форма. Ќе започнам да тренирам со момците од екипата и ќе се обидам да им помогнам колку што можам.
Секако, сето тоа ќе биде во договор со тренерот. Се радувам на новиот предизвик во кариерата“, порача Роналдо.