Рома и со играч помалку го победи Милан, пирова победа на Ливерпул

Рома и Аталанта се пласираа во полуфиналето од Лига Евопа откако беа подобри од Милан односно Ливерпул.

Рома запиша уште една победа над „росонерите“, овој пат со 2:1 пред своите гледачи. Во 12-та минута Манчини погоди и за 1:0, а неколку минути на 2:0 зголеми Дибала.

Во 31-та минута Челик заработи црвен картон и Милан и со играч повеќе не успеа да направи ништо поконкретно. На 2:1 намали Габија и тоа беше се за „росонерите“.

Ливерпул победи во Бергамо со 0:1, но тоа беше само пирова победа и Аталанта се пласира во полуфинале, исто како и Леверкузен кој го елиминира Вест Хем.