Роденден на Инсиње, а поклонот кој ќе го добие е посебен

Лоренцо Инсиње денеска полни 27 години и во таа чест вечерва против Холандија ќе добие посебен поклон.

Инсиње до сега собра 25 настапи во дресот на Италија, а вечерва ќе заигра и против Холандија во пријателскиот натпревар во Торино.

За роденденот селекторот Роберто Манчини одлучи како поклон да му ја даде капитенската лента.

Инсиње порано зборуваше дека како дете сон му било да игра во дресот на Наполи и италијанската репрезентација, а сега му се исполнија и двете желби.

Што се однесува за натпреварот помеѓу Италија и Холандија, Манчини ги најави стартните 11: Перин, Запакоста, Калдара, Ромањоли, Кристико, Кристанте, Јоргињо, Бонавентура, Верди, Белоти и Инсиње.

Манчини направи повеќе ротации во однос на првиот натпревар против Саудиска Арабија каде Италија славеше со 2:1 со головите на Балотели и Белоти.