Робињо пред враќање во поранешниот клуб: Спремен да игра за плата од две евра

Бразилскиот фудбалер Робињо во овој момент е слободен играч откако минатото лето го напушти Башакешир.

Робињо претходните неколку години ги помина играјќи во Турција каде што покрај за Башекешир играше и за Сиваспор. Но, после скоро три години одлучи да се врати во Бразил.

Овој 36 годишен фудбалер сега сака да потпише договор со Сантос, клубот во кој ја започна кариерата. Робињо токму од Сантос во 2005 година за 43 милиони евра се пресели во Реал Мадрид. Бразилецот направи добра кариера, но од него се очекуваше и повеќе.

Наводно Робињо е спремен да игра скоро и без плата, односно дал предлог месечната плата да му биде – две евра! Според информациите преговорите се при крај и наскоро се би требало да биде официјализирано.