Робињо на шега на Зидан во Реал му договорил супер договор со Перез

Последниот натпревар во клупската кариера Зинедин Зидан го одигра во 2006 година.

Секако, го одигра за својот Реал Мадрид, а интересна приказна од соблекувалната после тој натпревар за „ЕСПН“ раскажа Сисињо.

„Игравме против Виљареал и беше нерешено. На никого не му беше гајле за резултатот бидејќи знаевме дека се простува еден од најдобрите фудбалери на сите времиња. Зидан тогаш беше малку тажен, додека ние сите бевме во некое посебно расположение“.

Потоа ја раскажа анегодотата која се случила после натпреварот.

„Во соблекувалната влезе Флорентино Перез и се поздрави со секој од нас. Дојде до Робињо кој на шега му кажа дека Зизу ќе остане ако му понуди договор од две години и плата од 6.5 милиони евра по сезона. Тоа тогаш беше износот на најголемата плата во Реал. Сите се насмеавме, па и самиот Зидан, меѓутоа Перез беше сериозен. Го повика Зидан и му кажа веднаш да оди во канцеларија да потпишат ако е тоа она што го сака, сепак Зидан му одговори дека е решен да оди во пензија“, заврши Сисињо.