Рио го постигна последниот гол за „шефот“ на „Олд Трафорд“, а Видиќ го прашал: Човеку, знаеш ли што направи пред малку!? (ВИДЕО)

Прославениот англиски фудбалер, Рио Фердинанд се потсети на еден од поважните моменти во неговиот престој на „Олд Трафорд“.

Фердинанд голем дел од кариерата помина играјќи во стоперски тандем со Немања Видиќ во дресот на Манчестер Јунајтед. Токму Рио и Немања беа дел од последниот натпревар на домашен терен на легендарниот Сер Алекс на клупата на Јунајтед.

Тоа беше натпревар против Свонси кој „црвените ѓаволи“ го добија со 2:1. Фердинанд постигна гол за 2:1 во 87. минута, прв за него после пет години.

„Се сеќавам дека седев покрај Видиќ во соблекувалната по натпреварот и тој ми кажа: Рио, дали знаеш што направи пред малку? Го постигна последниот гол за шефот на „Олд Трафорд“…Тоа е историја човече!„“, се потсети Фердинанд со објавено видео од тој гол.

Таа сезона Јунајтед на Фергусон ја освои титулата шампион, а во последното коло „црвените ѓаволи“ одиграа 5:5 на гостувањето кај ВБА.

I remember sitting next to Vida in the Changing Rooms after the game & he said to me….

“Rio do u know what you just done….you scored the boss’s last ever goal at Old Trafford….history man”

??⚽️❤️ pic.twitter.com/vljRJ8Peco

— Rio Ferdinand (@rioferdy5) May 12, 2020