Ривалдо ја коментираше трампата Пјаниќ-Артур

Легендарниот Бразилец и поранешна ѕвезда на Барселона, Ривалдо ги коментираше трансфер плановите на Каталонците.

Ривалдо ја коментираше можната трампа Пјаниќ – Артур, а проговори и за иднината на неговиот сонародник Филипе Кутињо.

„Има шпекулации дека Барселона би можела да е заинтересирана за Пјаниќ. Иако станува збор за добар играч, мислам дека клубот треба да се сконцентрира на сегашноста и тоа што треба да го одработи во Ла Лига оваа сезона“

Јувентус е заинтересиран за потенцијална размена помеѓу Пјаниќ и Артур Мело и секако, мислам дека Бразилецот би бил идеално засилување за Италијанците бидејќи тој е играч од светска класа. Но, мислам дека е најдобро за него да остане во Барселона. Тој е млад, и допрва требад а го покаже својот потенцијал“, изјави Ривалдо.

„Што се однесува до Кутињо, Челзи беше фаворит за неговиот потпис, но мислам дека се откажаа поради повредата. Поради пандемијата многу клубови имаат финансиски проблеми, ги намалуваат платите, па тешко дека Кутињо ќе направи трансфер ова лето“, смета легендарниот Бразилец.