РЕКОРД: Победија два официјални натпревари во период од осум часа, еден играа на гости!

Фантастичен подвиг! Ова е за тренерите кои се жалат за густиот распоред во текот на сезоната.

Екипата од Венецуела под име Депортиво Лара, вчера успеа да направи нешто незамисливо.

Имено, овој тим на 3-ти април требаше да одигра два официјални натпревари. Една во домашната лига (најсилното првенство) и една во Копа Либертадорес.

Првиот натпревар беше закажан за 15:00 часот по локално време, а вториот во 20:30 часот.

Некој би кажал дека на домашен терен е изводливо и не е толку голем проблем да се одиграат два официјални натпревари, ако ги играте двата натпревари дома. Меѓутоа тимот на Депортиво Лара ја немаше ниту таа олеснителна околност – за вториот мораа да патуваат на гости.

Во првиот натпревар во првенството тренерот Леонардо Гонзалес се одлучи на терен да го испрати резервниот тим и беа подобри од Лајнерос со 3:2.

После натпреварот немаа многу време бидејќи ги чекаше уште една средба, па поради тоа брзо се качија на автобус и отпатуваа на гостување.

Успеаа да стигнат на време и да се припремат за натпреварот. Тренерот Гонзалес овој пат на теренот го испрати првиот тим.

Имаа предност и во еден момент на кратко снема струја на стадионот, а кога се врати набрзо заработија црвен картон, но со десетмина успеаа да ја задржат предноста и да слават со 2:1.

Така направија неверојатен подвиг и во отпрлика осум часа кога ќе го пресметаме и времетраењето на вториот натпревар остварија две победи, постигнаа пет гола, примија три гола и при тоа не заборавајте дека играа на гости и два часа поминаа во патување помеѓу натпреварите.

Подвиг кој заслужува респект!