Реал спреми нов договор за Начо

Реал Мадрид со нов договор сака да го награди дефанзивецот, Начо Фернандез, пренесуваат шпанските медиуми.

Раководството на „белите“ е подготвено на искусниот дефанзивец да му понуди нов договор – до летото 2024 година, што е 12 месеци подолго од сегашниот.

32-годишниот Начо минатата сезона забележа 42 настапи во сите натпреварувања за Реал Мадрид и Анчелоти му верува, иако оваа сезона не добива голема минутажа.

Поранешниот шпански репрезентативец е дете на клубот, а веќе цели 11 години е дел од првиот тим, a Реал наскоро ќе започне преговори со неговиот агент за продолжување на соработката.