Реал Мадрид спремен да го продаде Варан

Рафаел Варан може да го напушти Реал Мадрид на крајот на сезоната и да се пресели во Манчестер Јунајтед, тврдат шпанските медиуми.

Дефанзивецот има договор со „кралскиот“ клуб до 2022 година и доколку не стави потпис на нов договор на лето ќе мора да биде продаден.

Манчестер Јунајтед покажува најсериозен интерес за Французинот, а бидејќи влегува во последната година од договорот неговата цена ќе биде 50 милиони евра.

Варан е на „Сантиаго Бернабеу“ веќе 10-та сезона и моментално заработува 6 милиони евра и се уште не може да најде заеднички јазик со Реал за нов договор.

Поради тоа „кралевите“ се спремни да ја прифатат понудата на Јунајтед и да инвестираат во нов врвен дефанзивец.