Реал Мадрид понуди 26 милиони за ѕвездата на Динамо Загреб

Шпанските гиганти Барселона и Реал Мадрид ќе се борат за потписот на шпанскиот интернационалец Дани Олмо, кој во моментив игра во Динамо Загреб.

Олмо е продукт на школата на Барселона, каде помина цели седум години, а потоа ја напушти „Ла Масија“ и се пресели во Динамо Загреб.

20-годишниот крилен напаѓач игра во Загреб од 2014 година и веќе две сезони е најдобар играч во хрватското првенство.

Интерес за Олмо покажува и Милан, но негов приоритет е да се врати во Шпанија. Барселона сака да го врати во своите редови, но Реал Мадрид е во пол-позиција за неговиот потпис бидејќи веќе испратил конкретна понуда.

Barcelona and Real Madrid are competing for the signing of former La Masia player Dani Olmo. The two Spanish giants both want to land the winger. [l'equipe] pic.twitter.com/P3nIiwGC9b

— Barça Centre (@barcacentre) January 29, 2019

Шпанските медиуми тврадт дека „кралевите“ понудиле 26 милиони евра, сума која ќе ги задоволи апетитите на Динамо Загреб.

Олмо оваа сезона одигра 26 меча за Динамо Загреб на кои постигна 4 гола и запиша 7 асистенции.