Реал Мадрид не се откажува од Погба

Реал Мадрид изгледа нема намера да се откаже од намерата да го доведе Пол Погба.

Францускиот фудбалер беше желба на Реал уште додека играше за Јувентус, а „кралевите“ се обидоа да го донесат и минатото лето.

Зидан се обидува да го донесе својот сонародник во Мадрид веќе подолго време, Погба е отворен за преселба на „Сантиаго Бернабеу“, но двата клуба не можат да најдат заеднички јазик.

Англиските медиуми пренесуваат дека Погба ова лето за сите заинтересирани клубови ќе биде „невозможна мисија“ бидјќи Јунајтед поставил висока цена.

Сепак, Реал сигуно и ова лето ќе се обиде да го донесе Погба и во наредните недели ќе испрати понуда до Манчестер Јунајтед.

Во прилог на „кралевите“ оди ситуацијата што Французинот влезе во последната година од договорот, па можно е Јунајтед да „попушти“ и да се согласи на продажба.