Реал Мадрид го промени планот за Белингам

Реал Мадрид најверојатно нема да се вклучи во евентуално наддавање за ѕвездата на Борусија Дортмунд, Џуд Белингам, пренесува „АС“.

Се очекува Белингам да биде најбараниот фудбалер ова лето, а за него интерес покажуваат Реал Мадрид, Ливерпул и клубовите од Манчестер, додека Борусија за неговата слобода бара 150 милиони евра.

Поради тоа Реал се откажал од Белингам и ќе се фокусира на ангажман на друга ѕвезда.

Реал нема намера да потроши рекордна сума за Белингам, а најавите се дека Модриќ и Крос ќе останат уште една сезона во „кралскиот“ клуб.

Тоа не значи дека Реал дефинитивно се откажал од Англичанецот, но не е спремен да понуди повеќе од 100 милиони евра.