Реал испрати официјална понуда, Погба чека знак за да патува во Мадрид

Реал Мадрид тргна во завршна офанзива по потписот на Пол Погба и испрати богата понуда до Манчестер Јунајтед.

Шпанските и англиските медиуми едногласно потврдија дека „кралевите“ понудиле 145 милиони фунти (160 милиони евра), понуда која се очекува да ги задоволи барањата на Манчестер Јунајтед.

Самиот Погба инсистира за реализација на трансферот и веќе има договор со „кралевите“, па во секој момемт очекува знак за да одлета во Мадрид на лекарските прегледи.

неговиот агент Мино Раиола уште пред неколку недели откри дека сите во Манчестер Јунајтед, знаат дека играчот сака да замине, а друга индиција за трансферот е што „црвените ѓаволи“ веќе постигнаа договор со Милинковиќ-Савиќ, кој треба да биде негова замена во тимот.

Зидан инсистира да го има Погба во тимот, а Флорентино Перез сака да му ја исполни желбата, па според медиумите трансферот треба да биде комплетиран во следните неколку дена.