Реакција на намалувањето на платите во Серија А: Ова е срамно!

Италијанското здружение жестоко ја критикуваше Серија А за одлуката да се намалат платите за 30% и според нив оваа одлука е срамна.

Здружението на играчи не успеа да постигне договор со раководството на лигата околу намалувањето на платите, но денес беше соопштено дека тоа ќе се случи бидејќи 19 клубови гласале за таква опција.

Само Јувентус не учествувал во гласањето затоа што фудбалерите на „старата дама“ претходно се откажаа од своите месечни примања до јуни.

Претседателот на Здружението на играчи, Умберто Калањо не го криеше разочарувањето од таквата одлука.

„Тоа срамен и недозволив потег…Јасно е дека клубовите сакаат само играчите да претрпат штета“, изјави Калањо.