Раиола убеден: Златан останува во Европа и ќе игра уште две години!

Менаџерот на Златан Ибрахимовиќ, Мино Раиола, за „Скај Спорт“ откри дека веќе добил многу понуди за својот клиент.

Покрај тоа, Раиола, смета дека и покрај повредата на коленото Златан може да игра фудбал на високо ниво уште две години.

„Многу клубови се распрашуваа за Златан. Тој ќе игра фудбал уште две години и 100% ќе остане во Европа“, изјави Раиола.

Ибра оваа сезона во дресот на Манчестер Јунајтедп остигна 28 погодоци. Договорот на Швеѓанецот со клуобот од „Олд Трафорд“ истекува ова лето и тешко дека ќе остане во клубот и после летото.

Со повредата на коленото Ибра ја заврши сезоната, а во САД беше опериран и започна со рехабилитација. Имаше многу информации за тоа дека Ибрахимовиќ се договорил со ЛА Галакси, но според зборовите на Раиола од тоа нема да има ништо.