Французинот Пол Погба влегува во последната година од договорот со Манчестер Јунајтед.
Погба имаше сезона за заборав. Повредите му правеа проблеми, беше во лоша форма и одигра само 16 натпревари во Премиер лигата, вкупно настапи на 22 средби и оствари учинок од еден гол и четири асистенции што е премалку во споредба со она што се очекува од него.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Фудбалерот на Манчестер има договор до август наредната година и во текот на сезоната се споменуваше можност да се врати во Јувентус, тука беа и имињата на ПСЖ и Реал Мадрид.
Сега Мино Раиола се огласи и ги реши сите дилеми околу неговата иднина.
„Погба ќе остане во Манчестер Јунајтед. Тој е клучен играч за клубот кој има важен проект и Пол е 100% во него. Јунајтед ова лето нема да прифати понуда за него. Наскоро ќе зборуваме и за новиот договор“, изјави Раиола.
Манчестер Јунајтед во новата сезона се враќа во Лигата на шампионите и се очекува тандемот Бруно – Погба во полн сјај да блесне.
Учество во игри на среќа е дозволено за лица со 18+ години. Играј одговорно!