Разбојници го нападнале играчот на Рома, а тој им излегол од автомобилот и почнал да ги брка

Првотимецот на Рома, Брајан Кристанте се соочил со крадци кои на крајот ги избркал.

Двајца разбојници со мотор се доближиле до автомобилот на Кристанте. Барале од него да им го даде својот „Ролекс“ часовник, но тој излегол од автомобилот и тргнал да се пресмета.

На крајот крадците избегале, а репрезентативецот на Италија во полициска станица го пријавил случајот.

Овој потег на Кристанте многу го споредија со оној од минатото лето кога Сеад Колашинац се одбрани себе и Месут Озил од двајца разбојници.