ПСЖ спрема отказ за Емери – еве го неговиот наследник!

Француските медиуми тврдат дека челниците на Пари Сент Жермен спремаат отказ за тренерот Унаи Емери после дебаклот кој го доживеаа „светците“ на „Камп Ноу“.

Информациите од француските медиуми велат дека раководството е разочарано и гневно и на тренерот и на фудбалерите и подготвува промени.

ПСЖ нема да избрзува со отказот и се очекува тој да биде врачен по крајот на сезоната, но доколку тимот продолжи да игра бледо и во првенство не е исклучена можноста и за порана разделба.

Како негов наследник на клупата, и по елиминацијата во Лигата на шампионите, се погласно се спомнува Фабио Капело кој последен ангажман имаше на клупата на репрезентацијата на Русија.

Како потенцијални кандидати се споменуваат уште двајца Италијанци, а тоа се Роберто Манчини и Масимилиано Алегри.