ПСЖ не го пушта Мбапе и сака да го направи убедливо најплатен европски фудбалер!

Килијан Мбапе повторно е во центарот на вниманието поради неговата ситуација во Пари Сен Жермен.

Според последните информации ПСЖ не се откажува од намерата да го задржи и за да остане му нуди плата од дури 100 милиони евра по сезона.

Ако информациите на „РМЦ Спорт“ се покажат како точни, тоа значи дека Мбапе со таа плата би бил убедливо најплатениот фудбалер во Европа.

Кога е заминувањето во прашање, Мбапе најмногу се поврзуваше со Реал Мадрид кој и во овој преоден рок наводно покажувал интерес. Мбапе јавно зборуваше дека се уште нема донесено одлука каде ќе игра наредната сезона, додека Келаифи тврдеше дека постигнале „џентлменски договор“ за кој сега не можат да зборуваат.