Пронајден фудбалерот на Горица кој исчезна пред пет дена

Хрватска Горица соопшти дека фудбалерот Абдулах Талал Хамид кој исчезна пред неколку дена по неговото претставување е пронајден жив и здрав.

Клубот исчезнувањето го пријави во понеделеникот и до денес немаше информации за фудбалерот, а полицијата се сомневаше дека станува збор за киднапирање.

Фудбалерот бил пронајден од унгарската полиција која извршила испитување со него. Засега не се открива каде и зошто го немало толку дена. Абдулах е фудбалер од Ирак кој има шведски пасош.

„Унгарската полиција го пронајде Хамид, потерницата е повлечена. Хамид го контактираше и претседателот Ненад Чрнко заблагодарувајќи му се за грижат. Повеќе информации дополнително ќе бидат објавени“, објави Горица.

[DOBRE VIJESTI!] Abdullah Talal Hameed, 27-godišnji nogometaš čiji je nestanak prijavljen u ponedjeljak, 21. kolovoza, pronađen je u Mađarskoj živ i zdrav, a raspisana potraga je obustavljena 🙏 pic.twitter.com/LSdXygiqmX

— HNK Gorica (@hnkgorica) August 25, 2023