Челзи се соочува со сериозни проблеми поради нивниот поранешен сопственик Роман Абрамович, откако се појавија документи кои би можеле да покажат дека клубот ги прекршил правилата на Финансискиот фер-плеј.
Истражувањето на „Гардијан“, како и уште неколку медиуми, покажуваат нелегални плаќања во висина од десетици милиони фунти.
Холандија фаворит, Австрија и Турција во неизвесна битка! ↓↓↓
Овие плаќања биле извршувани преку „офшор компании“ кои му припаѓале на рускиот милијардер, кој беше приморан да го продаде англискиот гигант по воениот конфликт меѓу Русија и Украина.
Фудбалската асоцијација на Англија почна истрага против Челзи и би можела да му одземе бодови доколку се покаже дека тимот е виновен.
Агентот на Еден Азар е еден од оние на кои им беа исплатени пари, а се работи уште и на трансферите на Ето и Вилијан.
Челниците на Премиерлигата веќе почнаа да го „чешлаат“ финансиското работење на клубот во периодот од 2012 до 2019 година.