Teжок удар за Реал: Познато колку ќе паузира Белингам

Реал Мадрид денес доби информации колку време ќе мора да се снаоѓа без средниот играч, Џуд Белингам. Англичанецот се повреди за време на вчерашниот натпревар против Рајо Ваљекано, а денес беше официјално потврдено и степенот на повредата.

Белингам има повреда на мускулот на левата нога и ќе биде отсутен од теренот најмалку еден месец.

Покрај натпреварите во Примера (против Валенсија, Реал Сосиедад и Осасуна), ќе ги пропушти и двата натпревара од плејофот на Лигата на шампионите против Бенфика.

Неговото враќање се очекува на 1 март во натпреварот против Хетафе.

Оваа сезона, Белингам има одиграно 26 натпревари за Реал, постигнувајќи шест гола и четири асистенции.