Фудбалерот на Евертон, Јери Мина (27) ќе биде надвор од терените помеѓу осум и десет недели поради повреда на мускулот, пренесуваат англиските медиуми.
Дефанзивецот на клубот од „Гудисон Парк“ беше заменет во текот на првото полувреме против Њукасл во вторникот, натпревар кој неговиот тим го изгуби со 3:1.
До кога ќе дишеме отровен воздух!? | Уште еден поткаст
Евертон е во лоша форма и има само една победа на последните 15 натпревари и повредата на репрезентативецот на Колумбија носи дополнителни проблеми за менаџерот на тимот Френк Лампард.
„За жал се покажаа точни нашите стравување. Јери ќе биде надвор од терените 10 недели. Тоа е удар за нашиот тим. Тој е важен играч за Евертон, секогаш позитивен и сигурно ќе ни недостасува“, изјави Лампард.
Покрај Јери Мина за наредниот натпревар со Лидс Лампард нема да ги има на располагање Бенд Годфри и Демарај Греј, додека во тимот се враќа Доминик Калверт Луин. Во овој момент Евертон е на 16. место во Премиер лигата со два бода над зоната за испаѓање.
Учество во игри на среќа е дозволено за лица со 18+ години. Играј одговорно!