Проблем за Валенсија, по дербито на „Местаља“ останаа без двајца важни фудбалери

Екипата на Валенсија во вчерашното дерби испушти победа во последните десетина минути против Барселона, но и загуби двајца важни фудбалери.

Гуедеш одигра цел натпревар против каталонскиот тим, но подоцна беше утврдено дека мора да оди на операција.

Овој 20 годишен фудбалер „експлодираше“ оваа сезона на позајмицата во Валенсија и даде голем допринос за тимот кој се наоѓа на второто место на табелата со само четири бода заостанување зад Барселона.

На вчерашниот натпревар на „Местаља“ се повреди и дефанзивецот Езекиел Гарај кого го очекува кратка пауза.